Uşaqların sağlam gələcəyi üçün Kaspi Kids və PAŞA Həyat birgə layihəyə başlayır

13 Avqust 2025

Uşaqların sağlam gələcəyi üçün Kaspi Kids və PAŞA Həyat birgə layihəyə başlayır

 “Uşaqların sağlam gələcəyi üçün Kaspi Kids və PAŞA Həyat birgə layihəyə başlayır”

Övladlarımızın sağlamlığı və təhlükəsizliyi hər bir valideynin ən böyük arzusu və qayğısıdır. Sığorta isə gözlənilməz hallarda ailələrə həm maliyyə, həm də mənəvi rahatlıq gətirir. Bu məqsədlə Kaspi Kids və PAŞA Həyat yeni əməkdaşlığa başlayır. Layihə çərçivəsində Kaspi Kids uşaq bağçalarında təhsil alan bütün uşaqlar yeni tədris ilindən etibarən 1 illik fərdi həyat sığortası ilə təmin ediləcək.

Sığorta paketi aşağıdakı ağır xəstəlikləri əhatə edir:

Xərçəng (leykemiya, limfoma)

Böyrək çatışmazlığı

Əsas orqanların transplantasiyası

İflic

İnsult

Miokard infarktı

Aorto-koronar şuntlama

Müqavilə qüvvədə olduğu müddətdə yuxarıda sadalanan xəstəliklərdən hər hansı birinin diaqnozu qoyularsa, valideynə və ya faydalanan şəxsə PAŞA Həyat tərəfindən 15 000 AZN məbləğində ödəniş ediləcək.

Kaspi Kids olaraq, uşaqlarımızın sağlamlığını qorumaq və valideynlərə əlavə güvən vermək üçün bu layihəni həyata keçirməkdən qürur duyuruq. PAŞA Həyat ilə əməkdaşlığımızın uşaqlarımız üçün sağlam gələcəyə töhfə verəcəyinə inanırıq.